महाराष्ट्र !! वैभवसंपन्न,ऐश्वर्यसंपन्न,शक्तीशाली. छत्रपतींच्या पदस्पर्शाने पावन झालेली भूमी आहे. मराठ्यांचा इतिहास लाभलेली भूमी आहे . संतांची भूमी आहे. साहित्यिकांची भूमी आहे. मनोरंजनाची भूमी आहे. सह्याद्रीच्या पर्वतरांगा आहेत. इतिहासाची साक्ष देणारे गडकोट किल्ल्यांची भूमी आहे. ऐतिहासिक वैभव जतन करून ठेवणारी भूमी आहे.सागर,नद्या यांची भूमी आहे.असंख्य वर्षांपासून वैभवाच्या दिशेने महाराष्ट्र वाटचाल करतो आहे. नवयुग निर्माण करण्याच्या दिशेने हा महाराष्ट्र अग्रेसर होतो आहे.
आज इतके वर्ष होऊन सुद्धा पण अनेक प्रश्नांच्या बाबतीत आपण मागेच आहोत.आज गडकोट किल्यांचे संवर्धनासाठी एकत्र येण्याची गरज आहे. आज पाणीटंचाई आणि वाढतं तापमान ही देशासोबत महाराष्ट्रातील गंभीर बाब आहे. आरोग्य क्षेत्रात आमूलाग्र बदल करावे लागणार आहे.कुपोषणावरही मात करायची आहे. प्रयत्नरत आहोत पण आणखीन सजग राहण्याची नितांत आवश्यकता आहे.
विश्वबंधुत्वाचा संदेश देणाऱ्या महाराष्ट्रात त्याचा गौरव दिन साजरा करताना आपल्यातील असलेली माणुसकी पणाला लावून कोरोनासारख्या महामारीवर मात करण्यासाठी तत्पर राहण्याची आवश्यकता आहे. महाराष्ट्र सर्वगुणसंपन्न आहेच आणि त्या दिशेने यशस्वी वाटचाल ही करतो आहे. महाराष्ट्र दिनाच्या जगभरातील मराठी बांधवांना शुभेच्छा .
चला जगाला हेवा वाटेल असा महाराष्ट्र घडवूया..
मी महाराष्ट्राचा , महाराष्ट्र माझा ।।
✍️ सर्वेश फडणवीस
#महाराष्ट्र_दिन
No comments:
Post a Comment