भारतीयांच्या अस्मितेचा सुवर्णक्षण - श्रीरामजन्मभूमी 🚩🚩

हा सुवर्णक्षण अनुभवण्याची वेळ अवघ्या काही तासांवर येऊन ठेपली आहे. ५०० वर्षांचा कलंक मिटण्याचा शुभ दिवस उद्या यावेळी संपन्न झालेला ही असेल. आपल्या राष्ट्राची ओळख , आपल्या समाजाचे आदर्श, कोट्यवधी हिंदूंचे श्रद्धास्थान मर्यादा पुरुषोत्तम प्रभू श्रीराम. अखिल भारतीयांच्या परवलीचा शब्द अर्थात प्रभू श्रीराम. ह्या पूर्ण पुरुषोत्तम प्रभू श्रीरामाच्या पूजेची बंदी हिंदूंनी ५०० वर्ष मनात साठवून ठेवली होती. खरंतर ५ ऑगस्ट २०२० भाद्रपद शु. द्वितीया तिथी सुवर्णाक्षरात कोरून ठेवावी अशीच आहे.

अयोध्येत राम जन्मभूमीवर भव्य मंदिराचा उद्या शंखनाद होतो आहे. युगानुयुगे ज्या क्षणांची प्रतीक्षा समस्त हिंदू समाज करत होता तो क्षण जवळ आलेला आहे. कालपासून नागपूरात पावसाची संततधार सुरू आहे. वातावरणात ही अनामिक चैतन्य,उत्साह भारलेला आहे. जर का कोरोनाचे संकट नसते तर हा सोहळा आणखीन अभूतपूर्व झालेला असता आपल्यापैकी अनेकजण अयोध्येला गेले असते पण ह्या महामारीच्या अनुषंगाने आपण आपल्या घरीच हा सोहळा अनुभवणार आहोत. 

अर्थात काही स्वतःला बुद्धिवंत व पुरोगामी समजणारी मंडळी या घटनेचा निषेध करून त्यात विघ्न आणायला पुढे सरसावली आहेतच. इतक्या वर्षांच्या मानसिक गुलामगिरीतून आता कुठे आपण मोकळा श्वास घेऊ लागले आहोत  पण त्यांना सदैव प्रतिगामी म्हणून हिणवणारे तथाकथित सेक्युलर,आपले नाक ठेचले जावे म्हणून प्रयत्नशील आहेत. त्यांना प्रत्येकाने योग्य प्रकारे उत्तर देणे आवश्यक आहे. पण आपण आपली मर्यादांचे भान ठेवण्याची नितांत गरज आहे. ही घटना संपूर्ण भारतीयांच्या दृष्टीने आनंद देणारी आणि अभिमान वाटावी अशीच आहे. शक्य असल्यास आपल्या घरावर दीपमाळ लावावी. संध्याकाळी दीपोत्सव करावा. सध्या श्रावण असल्याने गोडधोड होंत आहेच पण उद्या श्रीरामासाठी काहीतरी जरुर करावं. ज्यावेळी राम अयोध्येला आले त्यावेळी गुढी उभारून नगरवासियांनी त्यांचे स्वागत केले होते. विजयाचे प्रतीक म्हणूनच गुढी उभारण्याची पद्धत आहे. शक्य झाल्यास गुढी उभारून आपला आनंद ह्या माध्यमातून द्विगुणित करूया.. 

राम ही तो करुणा में हैं, शान्ति में राम हैं

राम ही हैं एकता में, प्रगती में राम हैं

राम बस भक्तों नहीं, शत्रु की भी चिंतन में हैं

देख तज के पाप रावण, राम तेरे मन में हैं

राम तेरे मन में हैं, राम मेरे मन में हैं -

राम तो घर घर में हैं, राम हर आँगन में हैं

मन से रावण जो निकाले, राम उसके मन में हैं

जय श्रीराम 🚩🚩

✍️ सर्वेश फडणवीस 

#RamMandirNationalPride