फेसबुक आणि सोशल मीडिया !! आज ह्याचा उपयोग कुणी किती आणि कसाही करु शकतो. ह्या माध्यमाची ताकद मुळातच वेगळी आहे. खरंतर विचारांचे आदान-प्रदान करण्याचे प्रभावी माध्यम म्हणजे फेसबुक आहे. काही दिवस पोस्ट न करण्याचा निर्णय घेतला आणि सहज friend list मध्ये चक्कर मारली तर त्यात वेगळेपण जपणारे भेटले. ह्या माध्यमात खूप वेगवेगळी माणसं आहेत. काहींच्या कार्याला समजून घेतांना काही क्षण वाटलं खरंतर मी भाग्यवान आहे की ह्यांच्या लिस्टमध्ये मला स्थान मिळाले आहे. सामान्यातल्या सामान्य माणसाच्या हृदयाला हात घालून त्याला जिंकायचे आणि त्याचवेळी आपला विवेक, नैतिक भूमिका आणि आग्रह कमी होऊ द्यायचे नाहीत,अशी विलक्षण क्षमता असणारे अनेकजण लिस्ट मध्ये आढळले. ही माणसं इतक्या वेगळ्या वाटेने जात आज समाजात उत्तम कार्य करत आहेत. येणाऱ्या अधिक महिन्यात आपल्या ज्ञानात अधिक भर पडावी,प्रसंगी त्यांच्या कार्याची अधिक ओळख व्हावी आणि त्यांच्या कार्याबद्दल अधिक जाणून घेता ह्यावे ह्यासाठी.. "अलौकिक नोहावे !! " ही लेखमाला घेऊन येतो आहे.
मार्गाधारे वर्तावे । विश्व हे मोहरे लावावे। अलौकिक नोहावे। लोकांप्रती ।।’ ही माउलींची तिसऱ्या अध्यायातील १८१ वी ओवी आहे.आज साधेपणानं वागण्याचं सूत्र ज्यांनी अंगी बाणले त्यांच्या कार्याची ओळख व्हावी ह्याच शुद्ध हेतूनं ही नवी लेखमाला ..
✍️ सर्वेश फडणवीस
No comments:
Post a Comment